Ողջույն, ես Ալեքս Մելիքյանն եմ, 15 տարեկան։ Ծնվել եմ 2011 թվականի հունիսի 12-ին՝ Երևանում։ Արմատներով Սյունիքի և Տավուշի մարզերից եմ՝ Գորիս և Բերդ քաղաքներից։
Սիրում եմ Հայաստանը, հետաքրքրվում եմ հայ ժողովրդի պատմությամբ, մշակույթով և ազգային արժեքներով։ Ինձ ոգեշնչում են հայ նշանավոր գործիչներն ու ազգային հերոսները, ինչպիսիք են Անդրանիկ Օզանյանը, Գարեգին Նժդեհը, Մոնթե Մելքոնյանը, Գևորգ Չաուշը, Վազգեն Սարգսյանը և ուրիշներ։ Նրանց հայրենասիրությունը, խիզախությունն ու հայրենիքին նվիրվածությունը ինձ համար մեծ օրինակ և հպարտության աղբյուր են։
Ազատ ժամանակ սիրում եմ գիրք կարդալ, շփվել մարդկանց հետ, նվագել դաշնամուր և դհոլ, ինչպես նաև բացահայտել նոր գիտելիքներ։
Ապագայում ցանկանում եմ լինել ուժեղ, կրթված և հայրենասեր մարդ, ով իր գիտելիքներով, աշխատասիրությամբ և գործերով օգտակար կլինի իր ընտանիքին, հասարակությանը և հայրենիքին։
Ալեքս Մելիքյանի բլոգ 