Գորիս՝ Սյունիքի սիրտը

Նպատակ

Ներկայացնել Գորիս քաղաքի պատմությունը, մշակույթը, բնությունը և նշանակությունը, ինչպես նաև ցույց տալ նրա կարևոր դերը Հայաստանի և հատկապես Սյունիքի մարզի պատմության մեջ։

Խնդիրներ

1․ Ուսումնասիրել Գորիս քաղաքի պատմությունը։

2․ Ներկայացնել քաղաքի բնական առանձնահատկությունները և տեսարժան վայրերը։

3․ Ծանոթանալ Գորիսի հետ կապված նշանավոր հայ գործիչներին։

4․ Ցույց տալ Գորիսի դերը հայկական մշակույթի և ազգային ինքնության պահպանման գործում։

5․ Բացահայտել, թե ինչու է Գորիսը կարևոր և առանձնահատուկ Հայաստանի համար։

Գորիսը Հայաստանի ամենագեղեցիկ և յուրահատուկ քաղաքներից մեկն է։ Այն գտնվում է Սյունիքի մարզում՝ շրջապատված լեռներով և հայտնի քարե գոյացումներով, որոնք այս քաղաքին տալիս են իր առանձնահատուկ տեսքը։ Պաշտոնապես հիմնադրվել է 1870 թվականին, սակայն տարածքը բնակեցված է եղել դեռևս Ուրարտուի թագավորության ժամանակներից։ Ինձ համար Գորիսը գեղեցիկ քաղաք է՝ հարուստ պատմությամբ, մի վայր, որը կապում է ինձ իմ արմատների, նախնիների և հայկական ինքնության հետ։

Գորիսն ունի խոր պատմություն և ուժեղ ոգի։ Նրա հին փողոցները, ավանդական քարաշեն տները և գեղեցիկ բնությունը ստեղծում են յուրահատուկ մթնոլորտ, որտեղ զգացվում է անցյալի և ներկայի կապը։ Քաղաքում և նրա շրջակայքում կան բազմաթիվ տեսարժան վայրեր, օրինակ՝ Տաթևի ճոպանուղին, Սատանի կամուրջը, Նոր Զանգերը, Հին Զանգերը, Դիտակետը, Ակսել Բակունցի տուն-թանգարանը, Խնձորեսկ գյուղը և Գորիս գյուղը (Հին Գորիս)։

Շատ նշանավոր հայ գործիչներ կապված են Գորիսի և Սյունիքի հետ։ Հայ մեծ գրող Ակսել Բակունցը ծնվել է Գորիսում, և նրա ստեղծագործությունները արտացոլում են հայկական գյուղերի գեղեցկությունն ու կյանքը։ Անդրանիկ Օզանյանը որոշ ժամանակ ապրել է Գորիսում՝ թողնելով մեծ պատմական ժառանգություն հայ ժողովրդի համար։ Գարեգին Նժդեհը ամուսնացել է Գորիսի Սուրբ Գրիգոր Լուսավորիչ եկեղեցում, և նրան է պատկանում հայտնի խոսքը․ «Սյունիքն ու Արցախը Հայաստանի ողնաշարն են», քանի որ դրանք պատմական և ռազմավարական բացառիկ նշանակություն ունեն։

Գորիսն ինձ համար առանձնահատուկ նշանակություն ունի, որովհետև իմ ընտանիքի արմատները կապված են Սյունիքի հետ։ Այս քաղաքի մասին սովորելով՝ ես ավելի լավ եմ ճանաչում իմ նախնիներին, իմ մշակույթը և այն պատմությունը, որը կրում եմ իմ մեջ։

Կարծում եմ, որ յուրաքանչյուր վայր ունի իր հոգին, բայց Գորիսն ունի իր յուրահատուկ հոգին։ Նրա լեռները, պատմությունը և մարդիկ մարմնավորում են Սյունիքի խիզախությունն ու ուժեղ ոգին։

Գորիսը պարզապես քաղաք չէ․ այն Հայաստանի ժառանգության, պատմության և գեղեցկության խորհրդանիշն է։