04․11․26

Հայոց լեզու

1.Ուղղագրական վարժություններ․ Եվ-ի եւ յ ձայնակապի ուղղագրությունը․

Եվ-ի ուղղագրություն:Ալևոր, ձյութ, արքա, թեթևոտն, հոգևոր որդի, եղրևանի, գորովել, կարևոր, հոգեվիճակ, տարեվերջ, հոգեվարք, ոսկևորել։

Յ ձայնակապ:Ջղային, ժողովածուում, հեռակայել, էական, արքայորդի, Սերգեյի, թեյաման, հայելազարդ, բերմնացուի, Նաիրի, երեխայի, խնայել, հետիոտն, դշխոյական, մանգոյի։

2.Մեկնաբանիր նկարը, վերնագրիր։

Վերնագիր՝ «Ճանապարհ»

Ծառը կոտրվել է, բայց չի դադարում աճել։ Ինձ համար այն խորհրդանշում է կյանքի ճանապարհը, որտեղ նույնիսկ դժվարություններից հետո պետք է շարունակել առաջ շարժվել։ Ծառը կարծես ցույց է տալիս, որ ոչ մի դժվարություն չպետք է ստիպի մեզ հանձնվել։ Կարևոր չէ, թե քանի անգամ ենք ընկնում, կարևորը շարունակելն է։

3.Պատմություն գրիր տետրի մեջ, որի ձևավորման համար հարմար է օգտագործել այս նկարը։

Պատմություն՝ «Պայքար»

Անտառում մի հին ծառ կար, որը մի օր ուժեղ քամուց կոտրվել էր։ Չնայած դրան՝ այն շարունակում էր աճել և նոր ճյուղեր արձակել։ Տարիներ անց ծառը կրկին կանաչել էր։ Այն կարծես չէր ցանկանում հանձնվել և շարունակում էր իր ճանապարհը։ (Ինձ հիշեցրեց Իբրահիմ-Փաշա Սադիկովին՝ Ռուսաստանի հերոսին, որը նույնիսկ 100 տարեկանում ցանկացել էր մեկնել Ուկրաինա և մասնակցել ռուս-ուկրաինական պատերազմին, սակայն նրան չէին թույլատրել։) Կյանքում երբեմն ամեն ինչ այնպես չի լինում, ինչպես ուզում ենք, բայց պետք է շարունակել առաջ գնալ։

ԳՐԱԿԱՆՈՒԹՅՈՒՆ

Կարդա «Մոր սիրտը» , բալլադը։

ԳՐԱԿԱՆՈՒԹՅՈՒՆ

1. Ավետիք Իսահակյան՝ «Մոր սիրտը»

Ընտրած պնդում՝ 1-ին։

Ես ընտրում եմ առաջին պնդումը, քանի որ մայրը միշտ հասկանում է իր երեխային, սիրում և պաշտպանում է նրան։ Մոր սերն անսահման է, և նա միշտ ցանկանում է իր երեխայի համար լավագույնը։

2. Ավետիք Իսահակյան՝ «Հավերժական սեր»

1. Ո՞ր երկրի թագավորի մասին է պատմությունը։

Պատմությունը արաբական թագավոր Էլ-Սամանի մասին է, որը ապրում էր Թադմորի ապարանքում։

2. Թադմորի ապարանքի նկարագրությունների տարբերությունը։

Սկզբում ապարանքը ներկայացվում է որպես շքեղ, գեղեցիկ և կյանքով լի վայր։ Վերջում այն վերածվում է ամայի ու լքված տարածքի։ Հեղինակը ցույց է տալիս ժամանակի անցումը և այն, որ նյութական գեղեցկությունն անցողիկ է։

3. Ի՞նչ է նշանակում «Լուսիններ են եկել-անցել»։

Նշանակում է, որ երկար ժամանակ է անցել, ամիսներ ու տարիներ են փոխվել։

4. Մեկնաբանիր տողերը։

Այս տողերում Էլ-Սամանն այնքան է տարված իր սիրով, որ ժամանակը նրա համար կարծես կանգ է առնում։ Սիրելիի կողքին անցկացրած պահը դառնում է հավերժություն։

5. Ամենակարևոր տողը։

«Էլ-Սամանի սերը հզո՛ր ու անմա՛հ»։

Ինձ համար այս տողը կարևոր է, քանի որ արտահայտում է ամբողջ բալլադի հիմնական գաղափարը։

3. Բառերի բացատրությունը

Բամբիշ – թագուհի։

Մանկլավիկ – արքունիքի սպասավոր։

Նաժիշտ – թագուհու սպասուհի։

Ձեղուն – առաստաղ։

Սնդուս – մետաքսե նուրբ գործվածք։

Թալկանալ – գունատվել, թուլանալ։

Եբենոսյան – սև, եբենոսի փայտի նման։

Մուշկ – անուշաբույր նյութ։

Կնդրուկ – անուշաբույր խեժ, որն օգտագործվում է որպես խունկ։

4. Հատուկ անուններ

Թադմոր – հին քաղաք Սիրիայում, հայտնի է նաև Պալմիրա անունով։

Էլ-Սաման – բալլադի գլխավոր հերոսը՝ արաբական թագավորը։

Լիբանան – երկիր Մերձավոր Արևելքում։

Փերուզ ծով – Պարսից ծոցի հին անվանումներից մեկը։

5. Իմ տպավորությունը բալլադից

Ինձ դուր եկավ այս բալլադը, քանի որ այն ցույց է տալիս, որ իսկական սերը կարող է ժամանակից ու մահից ուժեղ լինել։ Էլ-Սամանը նույնիսկ սիրելիի մահից հետո չկարողացավ բաժանվել նրանից։ Ինձ համար ստեղծագործության ամենակարևոր միտքն այն է, որ տարիներն անցնում են, ամեն ինչ փոխվում է, բայց իսկական սերը կարող է մնալ հավերժ։

Թողնել պատասխան

Create your own website, free on WordPress.com.Create your own website.
Start free