1. Ի՞նչ է պահանջարկը և ինչպե՞ս է այն ձևավորվում։
Պահանջարկը մարդկանց ցանկությունն ու հնարավորությունն է՝ որոշակի գնով ապրանք կամ ծառայություն գնելու համար։ Այն ձևավորվում է մարդկանց կարիքներից, ցանկություններից, եկամուտներից և ապրանքների գներից։
2. Ի՞նչ է սպառողական զամբյուղը։
Սպառողական զամբյուղը մարդու կամ ընտանիքի բնականոն կյանքի համար անհրաժեշտ ապրանքների և ծառայությունների ամբողջությունն է։ Դրա մեջ մտնում են սնունդը, հագուստը, կենցաղային իրերը, տրանսպորտը և այլ անհրաժեշտ ծառայություններ։
3. Ի՞նչ է շուկան և ինչպիսի՞ նշանակություն ունի։
Շուկան այն միջավայրն է, որտեղ հանդիպում են ապրանքների և ծառայությունների գնորդներն ու վաճառողները։ Այն հնարավորություն է տալիս մարդկանց գնել և վաճառել ապրանքներ, իսկ արտադրողներին՝ զարգացնել իրենց գործունեությունը։
4. Ի՞նչ է առաջարկը և ովքեր են այն ստեղծում։
Առաջարկը ապրանքների և ծառայությունների այն քանակն է, որը վաճառողները պատրաստ են վաճառել որոշակի գնով։ Այն ստեղծում են արտադրողները, ձեռնարկությունները և ծառայություններ մատուցողները։

